lunes, 19 de diciembre de 2011

Musika askea ala ez?

SGAEk musika erregulatu nahi du, herritarrak askatasuna nahi du eta autoreak bi bandoen artean banatzen dira

Itziar Cantero

Pirateria gora eta pirateria behera, Sinde Legea, SGAE… gaur egun eztabaida handiak sortzen dituen gaia bilakatu da. Zer dela eta hainbeste iskanbila? Zerk eragin du herritarrak hasarretsea? Zein da SGAEren funtzio nagusia? SGAE, Autoreen eta Editoreen Elkarte Orokorra da, eta beraien funtzio nagusia, autoreen eskubideak defendatzea eta babestea izango litzateke. Edonork edo edozein komertziok, autore baten lana erabiltzeagatik SGAEri ordaindu behar dio autore eskubide horiengatik. Hori dela eta, jende asko kontra agertu da. Eta ez soilik herritarrak, hainbat artista ere legearen kontra agertu dira.














Orain dela gutxi arte, pirateria ez da izan hain gai jorratua, beraz zerk eragin du boom-a? Egia esan, lehen etxe diskografikoak ez zuten konpetentziarik, musika nahi bazenu, CD-a erosten zenuen, pelikula bat nahi bazenuen DVD edota VHS-a erosten zenuen… Baina arazoa aurrerakuntza teknologikoekin batera etorri zen. Gaur egun, interneti esker edozer gauza daukagu eskuragarri, modu arin eta doan batean. Hori dela eta SGAEk hori erregulatzea erabaki zuen. Mikel Garciak, SGAEko ordezkariak, dio orain Autoreen Elkartea herritarren artean famatu egin dela Kanon zerga irten zenetik. Herritarra galdetzen da “zer dela eta ordaindu behar dut nik grabaketarako CD bategatik, bertan ez badut beste autore batzuen materiala grabatzen?”, ez du ulertzen eta  bidegabekoa iruditzen zaio.

Eta ez hori bakarrik, gazteak dira deskarga ilegal gehien egiten dituztenak, baina nahi duten musika beste erostea edota zinemara nahi beste joatea ezinezkoa egiten zaie, duten prezio altuegatik. Hala adierazi du Naroa Gallegok, ikus-entzunezko ikasle batek. Baina bera ikus-entzunezko ikaslea izanda pirateriaren kontua eragiten dion gauza bat izan beharko litzateke, baina berak argi dauka lan on bat egiten baduzula, dirua lortuko duzula eta jendeak zure lanagatik ordainduko duela. Gainera gehitzen du prezio altu batean saldu behar badela, gutxiengoa gehigarriak edo horrelakoak sartzea dela.

“Sinde Legea oso neurri gogorra izan da. 
[…] nire gurasoen pagarekin ezin dezaket guztia 
ordaindu eta irtenbide bakarra deskargak dira”
NAROA GALLEGO, Ikus-entzunezko ikaslea

Pirateria gehienbat diskoetxeei eragiten die, beraiek direlako CD-a produzitzen inbertitzen duteank eta arrisku gehien hartzen dutenak, beraz normala iruditzen zaio Mikel Garciari diskoetxeen kezkak. Baina prezio altuen kontuan ere herritarren alde agertu da, berak ere uste baitu prezioak jaitsi beharko liratekeela. Horren inguruan azaldu du, diskoetxeak dagoeneko pentsatzen ari direla prezioak jaistea, bereziki, krisia dela eta. Hala ere, Mikel Garciak gehitu du SGAEk ez dela pirateriaren amaiera sustatu behar duena, beraiek autoreen eskubideak defendatzen dituzte eta autoreek soilik irabazien %2a gutxi gora behera eskuratzen dute, beraz, ez lirateke horretaz arduratu behar.

Aitor Cañibano, Travelling Brothers musika taldearen kidea, Sinde Legearen eta orokorrean, SGAEren kontra agertu da. Bera eta bere taldea deskarga libreen alde dago erabat eta beraien musika ezagutzera ematea doan izatea ondo iruditzen zaio. Hala adierazi du: “Nahiago dugu jendeak gure musika internetetik jaistea eta horrela publiko zabal batera iristea”. Gainera, musika jendearentzat funtsezko eskubide bat dela aiaptzen dute. Musika erregulatuta egotea ondo iruditzen zaio, baina ez zaio gehiegi gustatzen SGAE bezalako enpresa batek artisten ordezkari izatea, izan ere argi dauka SGAE “mafia” bat besterik ez dela, ez dago beraiekin ados. Gauzak beste modu koherente eta arrazional batean egin beharko liratekeela uste du.

Espainiako Estatua pirateria gehien ematen den herrialdea da Europa osoan eta, nahiz eta beste irtenbide edo baliabide merkeago batzuk egon, deskargak gero eta ugariagoak dira. Mikel Garciak horren inguruan eman du bere iritzia: “Espainiako herritarrak horrelakoak dira, ohituta daude horrelako gauzei garrantziarik ez ematen”. Gainera, adierazi duenez Europako beste herrialdeetan Autoreen Elkarteak askoz ere gehiago babesten dituzte autoreen eskubideak. Ez hori bakarrik, Frantzian adibidez, etxean irratia izateagati, edo telebista izateagatik, autore eskubideak ordaindu behar dituzte. Espainian guztiz ezberdina den gauza bat gertatzen da, eta lege bigunago bat izanda, herritarrak gehiago kexatzen dira.



“[…] musika ere erregulatuta egon beharko 
litzateke, baina SGAE bezalako mafia batek 
erregulatzea, ez zait bater gustatzen”
AITOR CAÑIBANO, Travelling Brothers




Baina argi dago, herritarren protestak Sinde Legearekin batera etorri zirela. Herritarrak horren kontra agertzen dira, zentzugabezkoa iruditzen zaielako. Naroa Gallegok adierazi duen bezala, “oso neurri gogorra” izan da. Horrez gain, Aitor Cañibanok lege honen kontu guztia “barregarria” dela esaten du, komertzioetan irratia edota hari musikala jartzeagatik ordaindu behar izana, nahiko zentzugabea iruditzen zaio.

Horren inguruan ere Mikel Garcia kontra agertu da, Sinde Legeak egin nahi duena erabat okerra dela pentsatzen du. Berak argi dauka pirateria eta lagunen artean disko bat uztea bi gauza ezberdin direla. Pirateria zera da: disko bat hartu 200 kopiar egin eta gero kalean merkeago saldu, zergarik ordaindu gabe. Eta lagun bati CD bat uztea eta lagun horrek CD hori grabatzea ez dela pirateria eta ez dela autorearentzar mehatxu bat.  Horrekin batera aipatu du, erabat ados eta oso ondo iruditzen zaiola liburu eta diskoen trukaketa. Orain modan jarri da zenbait herrialdetan, adibidez, parkean liburu bat ixtea gero beste norbaitek hartu ditzan. Eta Mikel Garciari oso ideia polita iruditu zaio, bai liburu eta bai musikarekin egin beharko liratekeen gauza bat. 

“Beste norbaiten materiala grabatu behar badut,
 orduan eskatuko dut baimena. Baina hemen
 alderantziz egin da eta gauzak gaizki atera dira. 
Orain dena aldatu nahi dute”
MIKEL GARCIA, SGAEko ordezkaria



Beraz, esan daiteke SGAEk hartu dituen neurriak presatzu hartu zirela eta guztiz alderantziz, eta orain dena aldatu nahi dutela, hala adierazi baitu Mikel Garciak. Eta hori izan dela detonatzaile arazo guztien artean. Hala ere, pirateriaren amaiera oso urrun geratzen den gauza bat dirudi, gero eta gehiago hazten ari delako; eta momentuz, dauden prezioekin eta gobernuak hartutako neurriekin, herritarrak orain arte egin duenarekin jarraitzeko asmo guztia duela ematen du.




domingo, 18 de diciembre de 2011

Inoiz itxiko ez den zauria


Gernikako bonbardaketaren 74.urteurrena ospatzen da aurten

Elena EGINO

1937ko apirilaren 26a zen, hilabeteko azken astelehena. Kondor Legio alemaniarra eta Italia faxistaren Aviazione Legionariako hegazkinek herri bizkaitarra bonbardatu zuten. 74 urte, 27010 egun, 648240 ordu edota 38894400 minutu pasa dira ordutik.
Euskal Herriaren eta bertakoen aurka egindako eraso hau Gernikan burutzeak esanahi handia dauka. Izan ere, garai horretan Bizkaian eta Euskal Herrian herri sinbolikoa zen;  Bizkaiko Batzar Nagusiak bertan elkartzen ziren,  1876an desegin ziren arte, eta Bizkaiko foru-eskubideen etxetzat hartzen zen. 
San Juan eliza bonbardaketaren aurretik

Urte hauetan bildutako informazioan eta bonbardaketa bizi zutenen testigantzetan oinarrituta, lehengo gernikarren anaitasun eta bakezaletasuna azpimarratu du Gernika Gogoratuz Iraskundeak. Herrian, nagusiki, nazionalistak, karlistak eta sozialistak  biltzen ziren eta, elkarren arteko errespetua eta elkarbizitzarako nahia handia zela adierazi du.

Erdigune eta ikur
Gernika gune garrantzitsua zen. 37.urtean 6000 biztanle inguru zituen arren, tropen itzulera eta gipuzkoar famili asko bertan errefuxiatu zirela medio, normalean baino jende gehiago zegoen herrian. Beraz, aukera ezin hobea aurkeztu zitzaien alemaniar eta italiarrei euskaldunen ikurra zena zapaltzeko eta Alemaniaren abiazioa proban jarri ahal izateko. 
Gernikako udaletxea bonbardaketaren aurretik
Bost aire eraso jasan zituen Gernikak bi ordu eta erdian

Erasoak ez zituen biztanleak ezustekoan harrapatu; egun horietan zehar tropak mugimendu arraroak egiten aritu zirela sumatu baitzuten. Gainera, gudarien itzulera eman zen eta bertakoek bazekiten momentu hori aprobetxatuko zutela erasotzeko. Hala ere, ez zuten uste erasoak horrelako dimentsioak izango zituenik.
Guztira bost astindu eman zituzten herri bizkaitarrean, arratsaldeko seiak arte iraun zuen bonbardaketak. Hurrengo egunetan zehar, eztandek jarraitu egin zuten eta sua itzaltzea lan neketsua bilakatu zen.  

Bonbardaketaren eraginez komunikazioak moztuta egon ziren eta berria arratsaldeko zazpiak aldera iritsi zen Bilbora. Hortaz, bertako poliziak ezin izan zuen ezer egin. Egunkariak, aldiz, hurrengo eguneko goizeko hamarrak aldera enteratu ziren. Ondorioz,  suhiltzaile eta erizainen laguntza berandu iritsi zen herrira.
Gernika, bonbardaketaren ostean
 Busturialdeko udalerria erabat suntsiturik geratu zen. Juntetxea eta Gernikako arbola izan ziren zutik geratu ziren eraikin bakarrenetarikoak. Santa Clara ospitalea, Santa Mariako eliza, balio asko zuen Gernikako udal artxiboa…denak geratu ziren txikituta.  Baita erdialdeko eraikin denak ere, egurrez eginak baitzeuden. 

Egi bakarra 
Diario de Burgoseko azala

Egun batzuen buruan, eraso bortitzaren berria mundu guztian zehar zabaldu zen eta erreakzioak ugariak izan ziren. Salaketa gogorrenak prentsatik etorri ziren:  The Times, Daily Express, L’humanite...
Hasiera batean, Espainian zehar gorriei egotzi zieten bonbardaketa. Hainbat egunkari izan ziren uste horren zabaltzaile. El Diario de Burgosek adibidez, “Guernica destruida por el fuego de los rojos” titularra kaleratu zuen. Zenbait agintari eta boteredun pertsona ere aritu ziren uste hori hedatzen. 

Benetan gertatutakoa desitxuratzen saiatu ziren arren, azkenean egia gailendu egin zen. Eragile askok parte hartu zuten arren, bereziki bi pertsona izan ziren 1937ko apirilaren 26an Gernikan gertatutakoa ezagutarazi eta Gernika sinbolo bilakatzen lagundu zutenak.
Lehenengoa George Steer izan zen. Londreseko The Times egunkarian egiten zuen lan. Erasotik ordu batzuetara heldu zen Gernikara eta gau horretan bertan gertatutakoaren inguruko erreportaje bat idatzi zuen.
Hurrengo goizean The Times eta The New York Times egunkarietan argitaratu zuten erreportajea eta berehala azaldu zen herrialde askotako prentsan ere. Artikulu horrek herri mugimenduak eta protestak piztu zituen Londresen eta New Yorken, esaterako. Ondorioz, frankisten eta beraien aliatuen, kontrako sentimendua piztu zen.
Gernikarrek nazioarte mailan babes handia jaso zuten. George Steeren erreportajeaz gain, erasoa bizi zuten lekukoen testigantzak ere argi utzi zuen hondamendi horren egileak zeintzuk ziren; hegazkinak oso behean joan zirenez, hegazkinetan esbastikaren irudia ikusi zutela adierazi zuten. 
Kondor Legioa, Gernikan

“Hegazkinak oso behean joan ziren eta argi ikusi genuen esbastikaren irudia”, bonbardaketa bizi  zuten lekukoak

Picassoren "Gernika" margolana
Gernika ikur bilakatzen lagundu zuen bigarren pertsona Pablo Picasso margolaria izan zen. Gertakariaren ondorioz, “Guernica” margolana birmoldatu zuen eta sarraskian oinarritu zen  amaiera emateko. Berak esan zuen: “Margolaritza ez da etxeetan eskegitzeko sortu. Etsaiaren kontrako gerran erasorako eta defentsarako tresna bat da”. 

Bi urte barru, 1939.urtean, Espainiako Gerra Zibila amaitu zen eta Franko buru zuen diktadura hasi zen. Gernikako bonbardaketaren  kontra nazioartean altxatu ziren guztiek ez zuten ezer egin Frankoren diktadurak iraun zuen 40 urteetan. Denbora luze horretan zehar, 1937ko apirilaren 26an gertatu zena isilik mantendu zen. Orain, poliki-poliki eta geratzen diren lekukoen testigantzaren laguntzaz, han gertatutakoa berreskuratzen eta ezagutzen ari parte ere baita.

Frankoren aldekoen erreakzioa
Espainian zehar, askok eta askok errepublikarrei egotzi zieten Gernika bonbardatu izana. Biztanleria nahastu nahian, Frankoren aldeko egunkariek esan zuten abiazio nazionalak ezin izan zutela bonbardaketa burutu egun horretan behe lainoa zegoelako. Aitzakia horren bitartez Agirre lehendakariak esandakoari aurre egin zioten eta sarraskia bere jarrera diabolikoak eragindako zela adierazi zuten. Prentsa idatzian ez ezik, irratian ere berretsi zuten beraien bertsioa; garaiko Radio Nacionalen Agirre gezurtitzat jo zuten. 
¡Miente Aguirre! Miente vilmente. En primer término, no hay aviación alemana ni extranjera en la España nacional. Hay aviación española... En segundo lugar, Guernica no ha sido incendiada por nosotros. La España de Franco no incendia. La tea incendiaria es monopolio de los incendiario de Irún, de los que han incendiado Éibar, de los que trataron de quemar vivos a los defensores del Alcázar de Toledo.
Luis Bolín en radio nacional, apirilaren 29a


 


BILTOKI: 25 urte elkarrekin 

Umeak baloreetan hazi eta gauza gutxirekin oso esperientzia onak bizi daitezkeela erakutsi nahi dute

Leyre Eguskiza


Bere izenak aditzera ematen duen bezala, 1988. urtean sortu zenetik, Biltoki Gazte Elkartea Leioako ume eta gazteen elkargunea izan da, guztiak biltzeko tokia. Bertatik antolatu izan diren ekintza ezberdinen bidez, herriko jendea hurbildu eta umeek ondo pasatzeko leku bat aurkitu dute. Bere urteurrenaren atarian daude, izan ere, 2012-2013 ikasturtean 25 urte beteko dituzte. Esfortzu eta lan handiko 25 urte, baina baita momentu on askoko eta esker oneko 25 urte.

Elkargunea sortzen

Denboran atzera salto eginda, 1988an Leioako umeekin lan egin eta ondo pasatzeko gogo handia zuen gazte talde batekin egiten dugu topo. Garai horretan eta lehenago ere bazegoen herrian denbora libreko talde bat, baina ez zuen izen ofizialik. Erakundeetatik eta Eusko Jaurlaritzatik dirulaguntzak ematen hasi zirenean, ordea, elkarte ofizial bezala erregistratzeko beharra sortu zen eta horrela jaio zen Biltokiren ideia. Izena nondik datorren galdetzean, Ana Bego Sesumaga Biltokiko sortzaileetako batek historian atzerago joan behar dugula adierazten du irribarre batez: “Elkartearentzako izen bat erabaki behar genuen, eta elkartzeko eman zizkiguten lokaletan herriko gazteak eta mendi elkarte bat bildu izan ziren Frankismoaren garaitik”. Une horretan izen perfektua zela iruditu zitzaien, lokal horiek zenbait belaunaldi biltzeko tokia bihurtu zirelako eta era berean, eurek ere gazteak biltzeko toki bat sortu nahi zutelako.

 “1988 eta 1989 oso urte gogorrak izan ziren ate asko itxi zizkigutelako”. Ana Bego Sesumaga, Biltokiko sortzaileenetariko bat


Biltoki gazte elkartearen logoa
 

Esperientzia pertsonal “oso positibo” bezala deskribatzen du Ana Begok garai hori. Umeentzako aisialdi eskaintzan aukera gutxi zeuden, eta Biltokik baliabide gutxirekin lan egiten bazuen ere, ume askok gogotsu hartu zuten parte haiek antolatutako ekintzetan. Urteurrenaren inguruan galdetuta, zalantzarik gabe parte hartuko duela adierazi du Ana Bego Sesumagak. 1988 et 1898. urteak oso gogorrak izan ziren haientzat  erakunde ezberdinetatik ate asko itxi zizkietelako, eta gaur egun eurek hasitako lanak jarraitzen duela ikusteak pena merezi duela nabarmendu du. 

Bigarren familia

Ilusioz betetako proiektu hau, beraz, ez da bertan behera geratu. Azken 25 urte hauetan gazte askok jarraitu dute Leioako umeen asteburuak alaitzen. Aurten, esaterako, 18 eta 27  urte arteko 12 begirale daude. Iñigo Ramos duela zortzi urte sartu zen Biltokin, bere lagun batekin batera. Tailer eta jolas ezberdinak antolatzeak denbora asko kentzen duela eta lan handia dakarrela dio, baina harentzat konpentsazioa ikaragarria da.

Jolas eta tailerren prestakuntza nekezaren artean, ordea, oso harreman estua eratu da taldeko begiraleen artean. Lagun talde bat osatu dutela nabarmendu du Iñigok eta askotan elkartetik kanpo ere biltzen direla gaineratu du.
Era berean, Biltokiko presidente den Alex Alonsok Biltokin bere “bigarren familia” aurkitu duela dio.

“Denborarekin gainerako begiraleak oso lagun onak bihurtu dira, nire bigarren familia”. Alex Alonso, Biltokiko presidentea

Puzzlea

Biltokiren antolaketari dagokionez, 7 eta 15 urte bitarteko ume eta gazteekin egiten dute lan. Astebururo biltzen dira Leioako Joan Bataiatzailearen Elizak utzitako lokal handi batzuetan, eta bertan adinaren arabera banaturiko taldeek ekintza ezberdinak burutzen dituzte. 7 eta 10 urte arteko umeek Txikitoki izeneko taldea osatzen dute eta bertan, jolasteaz gain, giza- balore ezberdinekin (elkartasuna, maitasuna, familia, errespetua…) lotutako tailer eta jarduerak burutzen dituzte. 11 eta 12 urteko neska-mutilak bigarren talde edo maila batean daude, eta 13 urtetik 15era bitartekoak “Denbora librea” taldean. Azken hauek, dibertigarriak baina helduagoentzat diren jardueren bidez euren gorputzen aldaketen, herriko egoeraren edota euren ingurunearen gaineko jarduera kritikoa garatzen ikasten dute.


Biltokiko maila ezberdinek osaturiko puzzlea

 Aurtengo berrikuntza nagusi bezala San Bartolome auzoari, Leioa erdialdetik aldenduta dagoenari, aukera eman zaio Biltokirekin bat egiteko. Bi astetik behin auzoko umeak elkartu egiten dira eta taldeko begirale batzuek bertako umeentzako jarduerak prestatzen dituzte. San Bartolomeko taldean dagoen Oihane Garridoren ustez “proiektua arrakasta izaten ari da”. Izan ere, oso hilabete gutxi daramatzate lanean eta jada 10-15 ume etortzen zaizkie. Oihane pozik agertu da umeek duten prestutasunarekin eta proiektuak aurrera egingo duela ziur dago.

Gabon dibertigarri eta solidarioak

Orain Gabonak datozela, Biltokik martxan jarraituko du betiko gogoekin. Abenduaren 18an, adibidez, urtero izotzetan patinatzera antolatzen den irteera egingo dute, Donostiako Txuri- Urdin Izotz Jauregira. Gainera, aurten Donostiako Aquarium berritua bisitatuko dute lehen aldiz. Ondoren, abenduaren 26an Leioako adinekoentzako Eguneko Zentrora joango dira, umeak haiekin egon daitezen eta gaixo dauden adineko horiei ilusioa itzul diezaieten.

Patinatzera antolatutako txangoa

 Oporren ostean eta pilak ondo kargatuta dituztela, urtarrilaren 14an itzuliko dira asteburuetako bilerekin eta urtarrilaren 29an 2012ko lehenengo txangoa antolatu dute Miramongo Eureka! Zientzia Museora. Hala ere, bilera eta txangoez gain, asteburuetako konbibentziak eta udako 10 eguneko kanpalekua ere antolatzen dituzte Araban dagoen Anuzita herrira.

10 egun magiko

Kanpalekuak urtero antolatzen dira uztaileko bigarren hamabostaldian eta gai edo istorio nagusi bat izaten dute ardatz. Iazkoan, adibidez, Phileas Fogg-ekin batera 10 egunez munduari bira emateko aukera izan zuten umeek. Piratak, erromatarrak, pelikula famatuetako pertsonaiak, garai historiko ezberdinak, etorkizunera bidaiatzea... denetatik gerta daiteke Biltokin. Ana Bego Sesumaga Biltokiko fundatzaileetako batek honela gogoratzen ditu berak bizitako kanpalekuak: “Ikaragarriak ziren. Baliabide askorik gabe, 150 ume inguru eramaten genituen eta oso gutxirekin konformatzen ginen, eguneroko gauzak txikiei balioa ematen ikasiz”. Era berean, ume askorentzat “uda pasatzeko zeukaten aukera bakarra” zela nabarmendu du. Alex Alonso, bere aldetik, txikitatik joan izan da kanpaleku honetara eta bere ustez, jendea ezagutzeko eta esperientzia berriak bizitzeko aukera paregabea da.


Piraten 2007ko kanpalekua: itsasontzi lasterketa

Ekaitzari aurre eginez

Biltoki bere burua berritzen ari den arren, proposamen eta ekintza ezberdinen bidez, azken urte hauetan parte hartzen duten umeen kopuruan beherakada izugarria igarri dutela aitortu du Iñigok. Gizarteko ohiturek 360ºko bira eman dute eta oso abiadura handian gainera. Kalean edozer gauzarekin jolastu eta gutxirekin zoriontsu ziren umeak Playstation, Wii, Nintendo DS eta beste hainbat aparatu elektronikora itsatsita dauden ume bihurtu dira, indibidualismoaren gizarte batera salto eginez. Hala ere, Diputazio eta udaletxearen laguntzekin eta bereziki proiektuan parte hartzen duen jendearen ilusioarekin Biltoki aurrera aterako denaren fedea du Alex Alonsok.

“Gure gizartean gertaturiko ohitura aldaketek beherakada handia eragin dute elkartera datorren umeen kopuruan”. Iñigo Ramos, Biltokiko kidea

Hiru elkarrizketatuen nahia: Biltokin umeek hazten jarraitzea “berezi” egiten dituzten balore konkretu horietan eta “gutxirekin ere disfrutatu daitekeela” jakinaraztea.

BBVA Liga | Barça-Madrid klasikoa

Bartzelona gairaile txurien etxean

Partidaren lehen zatian 1-0 jarri zuten markagailua merengeek, baina blaugranek markagailua guztiz irauli zuten 1-3koarekin garaipena eskuratuz

Itziar Cantero

"Bartzeola-Real Madril klasikoa"
Santiago Bernabeu futbol zelaian ospatutako klasikoan, Real Madril taldea seguru zegoen futbol partida irabaziko zuela, eta hala zirudien hasierako segunduetan gola sartu zutenean. Baina geroago, Bartzelonako taldeak markagailua irauli egin zuen 3-1ekoa lortuz eta horrela, hiru puntu garrantzitsu eskuratuz. Hala ere, Mourinhok geroago adierazi zuen garaipena “zorte ona” besterik ez zela izan.

Partidaren 25. segunduan, Victor Valdesen hutsegite larri baten ondoren, Benzemak gola sartu zuen eta talde txuria nahiko lasai ibili zen jokoaren lehen minutuetan. Baina Guardiolaren taldea erasoan jarraitu zuen eta 6. minutuan Messik gola sartzeko saiakera egin zuen, hala ere Casillasek ederki saihestu zuen.

"Benzemaren lehen gola"
22. minutuan Xavik falta jaurtiketarekin saiatu zen gola sartzen, baina oraingoan ere Iker Casillasek desbideratzea lortu zuen. Real Madrilek aukera ona izan zuen 24. minutuan gola sartzeko, baina Cristiano Ronaldoren jaurtiketa oso desbideratua joan zen eta ez zuen gola sartzea lortu. Blaugranak 29. minutuan markagailua berdintzea lortu zuen Alexisen golarekin. Messiren jokaldia aprobetxatuz, aurrelari txiletarrak Casillas buruz buru gainditzea jakin zuen. Horrela, atsedenaldian 1-1 geratu ziren.

"Alexisek gola ospatzen du"
Atsedenalditik bueltan, Bartzelonak 7. minutuan 1-2koa eskuratu zuen Xaviren golarekin. Erdilari katalanak egindako jaurtiketa ezustean desbideratu zuen Marcelok eta baloia barrura sartu zen. Barçak beste abagune bat izan zuen bigarren zatiaren 16. minutuan, baina oraingoan ere Casillasek baloia gelditu zuen.

Mourinhoren taldeak berdintzeko aukerak izan bazituzten ere, ez zuten erasoan asmatu. 19. Minutuan Cristiano Ronaldok berriz ere aukera argi bat izan zuen markagailua berdintzeko, baina jokalari portugaldarraren errematea kanpora joan zen.

"Cristiano Ronaldo, gola sartzea lortu ez zuenean"
Blaugranak partiduaren 65. minutuan 1-3koa jarri zuen markagailuan. Dani Alvesek erdiraketa bikaina jarri zuen bigarren zutoinean eta Cesc Fabregasek baloia sare barrura sartu zuen erremate batekin.

83. minutua, Kakak abagune garbia izan zuen gola sartzeko, baina jokalari brasildarrak bidalitako baloia kornerrera desbideratzea lortu zuen Valdesek. Azkenean, partida 1-3koarekin amaitu zen eta talde katalanak hiru puntu garrantzitsu lortu zituen, talde aurkariaren futbol zelaian.

"Bartzeola klasikoaren garaile"
Fitxa teknikoa:

1. Real Madril: Iker Casillas; Coentrao, Pepe, Ramos, Marcelo; Xabi Alonso, Lass (Khedira, 63. minutuan), Özil (Kaka, 58. minutuan); Di Maria (Higuain, 68. minutuan), Cristiano eta Benzema.

3. FC Bartzelona: Victor Valdes; Alves, Pique, Puyol, Abidal; Busquets, Xavi, Iniesta (Pedro, 89. minutuan); Alexis (Villa, 84. minutuan), Cesc Fabregas (Keita, 78. minutuan) eta Messi.

Golak: 1-0. 1. minutuan. Benzema. 1-1. 30. minutuan. Alexis. 1-2. 54. minutuan.  Xavi . 1-3. 66. minutuan. Cesc.

Hamaikak jokuan:

"Hamaikak jokuan"


Txartel horiak:

"Partiduko golak eta txartel horiak"

"Real Madril-Bartzelona, Klasikoa"

martes, 13 de diciembre de 2011

BBVA Liga / Real Madrilen eta Bartzelonaren arteko Klasikoa


Bikaintasunaren bidetik eskuratu zuen Bartzelonak garaipena klasikoan
Katalanak 1 eta 3 gailendu ziren Bernabeun Alexixen, Xaviren eta Fabregasen golei esker
Elena Egino

Guardiolak zuzendutako taldeak garaipena lortu zuen larunbatean Santiago Bernaubeu futbol zelaian jokatu zen klasikoan. 1 eta 3 gailendu zuten talde merengea bigarren zatian joko ezin hobea erakutsiz. Lehen zatiaren 25.segundoan Benzemaren golarekin aurreratu zen Real Madril. Bartzelonako atezainak egindako akats baten ondorioz iritsi zen gola; Victor Valdesek Di Mariari eman zion baloia. Real Madrileko jokalariek bi saiakera egin ostean, Benzemak aurkariak egindako oparia aprobetxatzen jakin zuen eta 1 eta 0ekoa jarri zuen.
Benzema, partida hasi bezain laister sartutako gola ospatzen
Markagailua kontran izan arren, talde katalanak ez zuen amore eman eta erasoan jarraitu zuen. Horrela, 6.minutoan Sergio Ramos labaindu egin zela medio, Messi bakar- bakarrik geratu zen Casillasen aurrean. Baina, ez zuen zorterik izan; izan ere, atezainak kanpora bidali zuen argentinarraren jaurtiketa.

Ronaldo ezinean Bartzelonaren joku onaren aurrean
Bartzelona baloiaren jabe izan zen, baina Real Madrilek ere izan zituen bere aukerak; batez ere, kontraerasoan. Eta defentsa blaugranek arazoak izan zituzten. 24.minutuan Cristiano Ronaldok aukera paregabea izan zuen, baina bere jaurtiketa kaxkarra egin ostean, bere jaurtiketa desbideratu egin zen. 

Pixkanaka- pixkanaka Guardiolaren taldea nagusitzen joan zen eta 29.minutuan gola iritsi zen. Messiren jokaldi aparta aprobetxatuz, Alexisek Casillas gainditu zuen eta buruarekin 1 eta 1ekoa jarri zuen. Markagailu horrekin iritsi zen atsedenaldia. 
Alexis, markagailua berdindu zuen gola ospatzen
 Bigarren zatian Bartzelonak jaun eta jabe izaten jarraitu zuen. 7.minutoan Xavik taldearen bigarren gola egin zuen; bere jaurtiketak Marcelorengan jo ostean desbideratu egin zen eta sare barruan amaitu zuen. Hirugarren gola heltzear egon zen 16.minutoan; baina, Alexisen saiakerak Casillasekin egin zuen topo.

Hiru minutu geroago Ronaldok markagailua berdintzeko aukera izan zuen, baina bere errematea kanpora joan zen.  Galdutako aukera batetik, ondo aprobetxatutako beste batera. Neurketako 65.minutuan Cesc Fabregasek Bartzelonaren hirugarren gola sartu zuen. Messik jokaldia hasita eta Alvesek asistentzia eginda, Fabregasek buruz errematatu zuen, baloia bi zutoinen artean sartuz.
Bartzelonako jokalariek elkarrekin ospatu zuten Cescen gola
 25 minutu geratzen ziren partida amaitzeko eta gauzak ez ziren aldatu; Iniestak gidatutako erakustaldia egin zuen Bartzelonak. Horrela, arbitroak partidu bukaera adieraz zuen eta blaugranek hiru puntu garrantzitsu lortu zituzten aurkari zuzenaren etxean. 

FITXA TEKNIKOA:
1. Real Madril: Iker Casillas (1); Coentrao(15); Pepe;(3) Ramos;(4) Marcelo(12); Xabi Alonso(14); Lass(24); Özil(10); Di Maria;(22) Cristiano(7) eta Benzema(9). 

3. Bartzelona: Victor Valdes(1); Alves(2); Piqué;(3) Puyol;(5) Abidal(22); Busquets(16); Xavi(6); Iniesta(8); Alexis;(9) Cesc Fabregas(4) eta Messi(10). 

Golak:
1-0 Benzema    (1. minutuan)
1-1 Alexis        (30.minutuan)
1-2 Xavi          (54.minutuan)
1-3 Fabregas   (66.minutuan)

Arbitroa: David Fernandez Borbalan
Estadioa: Santiago Bernabeu
Txartelak: Arbitroak erakutsi zituen txartel guztiak horiak izan ziren.
    ·Xabi Alonso (26. minutuan) Messiri egindako sarreragatik
    ·Alexis           (27. minutuan) Di Maria lurrera botatzeagatik
    ·Messi            (37. minutuan) Kexatzeagatik
    ·Pique            (48. minutuan) Ronaldori egindako faltagatik
    ·Lass Diarra   (61.minutuan) Iniestari egindako faltagatik
    ·Pepe             (63.minutuan) Messiri ostiko bat emateagatik
    ·Ramos          (70.minutuan) Messiri sarrera gogor bat egiteagatik
    ·Coentrao      (73. minutuan) Iniestari falta gogor bat egiteagatik
Aldaketak:


Hasierako hamaikakoak



Klasikoko gol guztiak


BBVA Liga | Real Madril 1 - Bartzelona 3

Blaugranak Jaun eta Jabe

Real Madrilek lehenengo minutuan gola sartu arren, Bartzelona magikoaren futbola nagusitu zen atzo Bernabeun

Leyre Eguskiza 

Bi handien arteko borrokan Guardiolaren taldea nagusitu da aurten ere, Ligako bere aurkaririk zuzenena errealitatera itzularaziz. Bartzelonaren futbol onak Real Madrilen indarrari gaina hartu zion, eta katalanek Klasikoen historiako golik azkarrenari aurre egiten jakin izan zuten. 25. segundoan, despistatuta zegoen Valdesek Abidali baloia gaizki eman zion oinarekin eta Di Mariak pase txar hori gelditzea lortu zuen. Erdialderantz jo eta Busquets-en aldaratze faltsua Benzemarengana heldu zen. Honek aprobetxatu eta partiduko lehen gola sartu zuen, markagailua zurien alde jarriz.

15 partidu jarraian irabazi zituen Mourinhoren taldeak amestutako partida- hasiera zuen eskuartean, baina hasierako presio hori murrizten joan zen denbora pasa ahala.  Bartzelonak, ordea, ez zuen fedea galdu eta bere handitasunean hazi egin zen. Sei minutu igarota, Iker Casillasek Messiren oso jaurtiketa arriskutsua atera zuen hatz puntekin. Une horretatik aurrera bi erraldoi hauen indarrak berdindu eta jokatzeko modu oso ezberdinak ikusi ziren Bernabeu estadioan.

Benzema, Real Madrilen gol goiztiarren autorea

Xaviren falta jaurtiketa zuzenak tiro pozoindua bidali zion Casillasi 22. minutuan, baina honek ukabilekin urrundu zuen. Bi minutu geroago, bigarren gola sartzeko aukera izan zuen Real Madrileko ‘7’ak, Bartzelonako defentsaren hutsegite batek sortua, baina oso desbideratuta joan zen. Katalanek lanean jarraitu zuten eta beren esfortzuek azkenean fruitua eman zuten 29. minutuan. Partidu osoan bikain aritu zen Alexisek Messiren jokaldi ederrari amaiera eman zion, buruz buruzkoan Real Madrileko atezaina gaindituz eta markagailuan 1-1ekoa jarriz.

Atsedenaldiaren ondoren Bartzelonak nagusi izaten jarraitu zuen eta 52. minutuan Xavik 1-2a lortu zuen. Erdilariak area kanpotik jaurti eta baloia, Marceloren hankan errebotatu ondoren, sare barrura joan zen. Alexisek eta Messik hirugarrena etor zitekeela iragarri zuten, tartean Cristiano Ronaldok kanpora joan zen aukera bat ere izan zuela. Hirugarrena azkenean 65. minutuan iritsi zen, Cesc Fabregasek baloia buruz bikain jota. Partidaren azken aukera Kakák izan zuen 83. minutuan, baina zuriek ez zuten 1-3 hori aldatzea lortu.

Alexis, Bartzelonako lehenengo gola ospatzen. Partida osoan bikain aritu zen

Beste askotan bezala, Mourinhoren Real Madrilek presioaren aurrean joko oso bortitzarekin erantzun zuen, eta hori Pepe, Ramos eta Coentroren sarrera gogorrekin geratu zen agerian.

1-3koa izan da azkeneko emaitza, eta hiru puntu horiei esker Bartzelona lehenengo postuan kokatzen da Real Madrilek dituen adina punturekin. Hala ere, Guardiolaren mutilek partida bat gehiago jokatu dute.


Partidaren bi aurpegiak: Real Madrilen etsipena, Bartzelonaren alaitasunaren aurrean


PARTIDA ZENBAKITAN









KLASIFIKAZIOA



Partidaren laburpena (gol guztiak)